Як мы ўжо паведамлялі, аб’яднаная турысцкая дэстынацыя Шчучынскага раёна вытрымала сур’ёзную канкурэнтную барацьбу і выйшла пераможцай у конкурсе. На развіццё мясцовых ініцыятыў, звязаных з турыстычнымі маршрутамі, будуць выдзелены салідныя гранты USАІD – ад 15 да 60 тысяч долараў ЗША. А нядаўна прадстаўнікі гэтай арганізацыі на чале з кіраўніком праграм USАІD у Беларусі Джонам П. Рыарданам прыехалі ў г.п. Жалудок, каб бліжэй пазнаёміцца з тымі ініцыятыўнымі людзьмі, якія рызыкнулі выступіць са сваімі заяўкамі і не прайгралі. Нагадаем, што ў аб’яднанне ўвайшлі дэстынацыі “Вялікае Мажэйкава – Жалудок – Орля”, “9 з палавінай дзён” ТАА “Селбісервіс” і “Адкуль бачна” аграэкасядзібы “Бабровая даліна”, што ў вёсцы Кульбачына.
Гасцей цёпла вітаў старшыня мясцовага пассавета Г.І. Цывінскі, які расказаў аб багатай гісторыка-культурнай спадчыне Жалудка – малой радзіме славутага Валерыя Урублеўскага, закрануў старонкі ваеннага мінулага, пазнаёміў з рэаліямі дня сённяшняга і перспектывамі развіцця пасёлка.
– Я бачу, што ў вас вельмі прыгожае мястэчка і надзвычай добразычлівыя людзі, – выказаў свае ўражанні Джон П. Рыардан. – Я ўжо чатыры гады працую ў Беларусі, але на Гродзеншчыну прыехаў упершыню. Праўда, многае ведаю пра ваш прынёманскі край з інтэрнэт-крыніц і, прызнацца, спадзяюся наведацца сюды летам.
Распачатыя праекты USАІD “Умацаванне грамадскага ўзаемадзеяння для ўстойлівага развіцця сельскіх тэрыторый Беларусі”, “Мясцовае прадпрымальніцтва і эканамічнае развіццё” будуць доўжыцца больш за два гады, так што гэта сапраўды не апошняя сустрэча. Гасцям, а гэта былі менеджэры і каардынатары праектаў, а таксама кіраўніцтва ўстановы “Новая Еўразія”, было цікава выслухаць, як мяркуюць рэалізоўваць свае ідэі і развіваць турызм шчучынскія энтузіясты.
Старшыня Орлеўскага сельвыканкама Я.М. Ярошык бачыць вялікі турыстычны патэнцыял свайго прынёманскага краю з яго маляўнічымі відарысамі, прыродным багаццем, партызанскім мінулым.
– Дарэчы, развіваецца і інфраструктура, так неабходная для турызму, – падкрэсліла Яніна Міхайлаўна. – У Зачэпічах, зусім недалёка ад мемарыяла “Партызанская зямлянка”, будуецца Дом лесніка на 12 гасцінічных месц. У кастрычніку ён прыме першых гасцей. Плануем адкрыць і аграсядзібу. У нас ёсць чым здзівіць і затрымаць турыстаў.
Свае ўнікальныя напрацоўкі і ў гаспадара аграсядзібы “Бабровая даліна” А.У. Сямашкі:
– Летась я пабываў на стажыроўцы ў ЗША, прывёз шмат арыгінальных ідэй, якія мару рэалізаваць у роднай вёсцы Кульбачына, – падзяліўся Алег Уладзіміравіч.
Свае погляды на больш эфектыўныя шляхі развіцця турызму на Шчучыншчыне і ў краіне ў цэлым выказаў дырэктар ТАА “Селбісервіс” І.У. Чарнякоў.
Высока ацанілі госці і дзейнасць першага на Гродзеншчыне Жалудоцкага інфармацыйнага цэнтра, які ўзначальвае Т.У. Трукшына. З задавальненнем наведалі і дзіцячы садок, дзе ў рамках праекта ўстановы “Новая Еўразія” “Энергаэфектыўнасць: вырашаем праблемы разам” ідзе вялікая работа па энергазберажэнні.
– Мы робім замену 20 вокнаў на цеплазберагаючыя шклопакеты і трох дзвярэй, паўсюдна ўстанавілі энергазберагаючыя свяцільнікі, – з гонарам канстатавала загадчыца дашкольнай установы Л.У. Сідаровіч. – Акрамя атрыманых ад “Новай Еўразіі” грантаў, нас у гэтым добрым пачынанні на 50% фінансуе і раённы бюджэт. Вось такі цудоўны альянс атрымаўся.
– Гэта сустрэча экспертаў і непасрэдных ініцыятараў развіцця мясцовых тэрыторый – чарговы крок да вызначанай мэты, – лічыць начальнік аддзела фізкультуры, спорту і турызму Шчучынскага райвыканкама І.В. Гваздоўскі, які таксама быў актыўным удзельнікам карыснага дыялогу. – Жалудок ужо накапіў багаты вопыт у паспяховай праектнай дзейнасці і зараз дзеліцца сваімі набыткамі з суседзямі. Раённая ўлада вельмі зацікаўлена ў развіцці мясцовых ініцыятыў.
– Без гэтага нельга, – дадаў Г.І. Цывінскі. – Мы хочам, каб у нашым пасёлку не змяншалася колькасць насельніцтва, каб тут заставаліся жыць маладыя. Значыць важна, каб жыццё тут бурліла, было цікавым і насычаным, кожны змог самарэалізавацца. Зацікаўлены мы і ў адкрыцці новых працоўных месц. Супрацоўніцтва з міжнароднымі фондамі і арганізацыямі – усяго адна са шматлікіх форм работы па развіцці сельскіх тэрыторый.
Таццяна СТУПАКЕВІЧ.
Фота Ганны ВІЛЕНЦЭВІЧ.
Дзянніца
Гасцей цёпла вітаў старшыня мясцовага пассавета Г.І. Цывінскі, які расказаў аб багатай гісторыка-культурнай спадчыне Жалудка – малой радзіме славутага Валерыя Урублеўскага, закрануў старонкі ваеннага мінулага, пазнаёміў з рэаліямі дня сённяшняга і перспектывамі развіцця пасёлка.
– Я бачу, што ў вас вельмі прыгожае мястэчка і надзвычай добразычлівыя людзі, – выказаў свае ўражанні Джон П. Рыардан. – Я ўжо чатыры гады працую ў Беларусі, але на Гродзеншчыну прыехаў упершыню. Праўда, многае ведаю пра ваш прынёманскі край з інтэрнэт-крыніц і, прызнацца, спадзяюся наведацца сюды летам.
Распачатыя праекты USАІD “Умацаванне грамадскага ўзаемадзеяння для ўстойлівага развіцця сельскіх тэрыторый Беларусі”, “Мясцовае прадпрымальніцтва і эканамічнае развіццё” будуць доўжыцца больш за два гады, так што гэта сапраўды не апошняя сустрэча. Гасцям, а гэта былі менеджэры і каардынатары праектаў, а таксама кіраўніцтва ўстановы “Новая Еўразія”, было цікава выслухаць, як мяркуюць рэалізоўваць свае ідэі і развіваць турызм шчучынскія энтузіясты.
Старшыня Орлеўскага сельвыканкама Я.М. Ярошык бачыць вялікі турыстычны патэнцыял свайго прынёманскага краю з яго маляўнічымі відарысамі, прыродным багаццем, партызанскім мінулым.
– Дарэчы, развіваецца і інфраструктура, так неабходная для турызму, – падкрэсліла Яніна Міхайлаўна. – У Зачэпічах, зусім недалёка ад мемарыяла “Партызанская зямлянка”, будуецца Дом лесніка на 12 гасцінічных месц. У кастрычніку ён прыме першых гасцей. Плануем адкрыць і аграсядзібу. У нас ёсць чым здзівіць і затрымаць турыстаў.
Свае ўнікальныя напрацоўкі і ў гаспадара аграсядзібы “Бабровая даліна” А.У. Сямашкі:
– Летась я пабываў на стажыроўцы ў ЗША, прывёз шмат арыгінальных ідэй, якія мару рэалізаваць у роднай вёсцы Кульбачына, – падзяліўся Алег Уладзіміравіч.
Свае погляды на больш эфектыўныя шляхі развіцця турызму на Шчучыншчыне і ў краіне ў цэлым выказаў дырэктар ТАА “Селбісервіс” І.У. Чарнякоў.
Высока ацанілі госці і дзейнасць першага на Гродзеншчыне Жалудоцкага інфармацыйнага цэнтра, які ўзначальвае Т.У. Трукшына. З задавальненнем наведалі і дзіцячы садок, дзе ў рамках праекта ўстановы “Новая Еўразія” “Энергаэфектыўнасць: вырашаем праблемы разам” ідзе вялікая работа па энергазберажэнні.
– Мы робім замену 20 вокнаў на цеплазберагаючыя шклопакеты і трох дзвярэй, паўсюдна ўстанавілі энергазберагаючыя свяцільнікі, – з гонарам канстатавала загадчыца дашкольнай установы Л.У. Сідаровіч. – Акрамя атрыманых ад “Новай Еўразіі” грантаў, нас у гэтым добрым пачынанні на 50% фінансуе і раённы бюджэт. Вось такі цудоўны альянс атрымаўся.
– Гэта сустрэча экспертаў і непасрэдных ініцыятараў развіцця мясцовых тэрыторый – чарговы крок да вызначанай мэты, – лічыць начальнік аддзела фізкультуры, спорту і турызму Шчучынскага райвыканкама І.В. Гваздоўскі, які таксама быў актыўным удзельнікам карыснага дыялогу. – Жалудок ужо накапіў багаты вопыт у паспяховай праектнай дзейнасці і зараз дзеліцца сваімі набыткамі з суседзямі. Раённая ўлада вельмі зацікаўлена ў развіцці мясцовых ініцыятыў.
– Без гэтага нельга, – дадаў Г.І. Цывінскі. – Мы хочам, каб у нашым пасёлку не змяншалася колькасць насельніцтва, каб тут заставаліся жыць маладыя. Значыць важна, каб жыццё тут бурліла, было цікавым і насычаным, кожны змог самарэалізавацца. Зацікаўлены мы і ў адкрыцці новых працоўных месц. Супрацоўніцтва з міжнароднымі фондамі і арганізацыямі – усяго адна са шматлікіх форм работы па развіцці сельскіх тэрыторый.
Таццяна СТУПАКЕВІЧ.
Фота Ганны ВІЛЕНЦЭВІЧ.
Дзянніца
